Chapter 2
प्रथममुण्डके द्वितीयः खण्डः
Mundaka 1 · Khanda 2
Verses
Verse 1
तदेतत्सत्यं मन्त्रेषु कर्माणि कवयो यान्यपश्यंस्तानि त्रेतायां बहुधा संततानि । तान्याचरथ नियतं सत्यकामा एष वः पन्थाः सुकृतस्य लोके ॥ १॥
tadetatsatyaṃ mantreṣu karmāṇi kavayo yānyapaśyaṃstāni tretāyāṃ bahudhā saṃtatāni | tānyācaratha niyataṃ satyakāmā eṣa vaḥ panthāḥ sukṛtasya loke || 1||
Meaning
This is the truth: the (sacrificial) works which the sages saw in the hymns are variously spread out in the three Vedas. Practise them constantly, O lovers of truth — this is your path to the world of good deeds.
यह सत्य है: मन्त्रों में कवियों (ऋषियों) ने जिन कर्मों को देखा, वे त्रेता (तीनों वेदों) में नाना प्रकार से विस्तृत हैं। हे सत्यकाम पुरुषो! उनका नियमपूर्वक आचरण करो — यही सुकृत के लोक की ओर तुम्हारा मार्ग है।
Verse 2
यदा लेलायते ह्यर्चिः समिद्धे हव्यवाहने । तदाऽऽज्यभागावन्तरेणाऽऽहुतीः प्रतिपादयेत् ॥ २॥
yadā lelāyate hyarciḥ samiddhe havyavāhane | tadā''jyabhāgāvantareṇā''hutīḥ pratipādayet || 2||
Meaning
When the flame flickers after the fire is well kindled, then, between the two offerings of clarified butter, one should cast the oblations with faith.
जब अग्नि भलीभाँति प्रज्वलित हो और लौ लहराने लगे, तब दोनों आज्यभागों के बीच श्रद्धापूर्वक आहुतियाँ डालनी चाहिए।
Verse 3
यस्याग्निहोत्रमदर्शमपौर्णमासमचातुर्मास्यमनाग्रयणमतिथिवर्जितं च । अहुतमवैश्वदेवमविधिना हुतमासप्तमांस्तस्य लोकान् हिनस्ति ॥ ३॥
yasyāgnihotramadarśamapaurṇamāsamacāturmāsyamanāgrayaṇamatithivarjitaṃ ca | ahutamavaiśvadevamavidhinā hutamāsaptamāṃstasya lokān hinasti || 3||
Meaning
Whose Agnihotra is not followed by the new-moon and full-moon rites, the four-month rites, the harvest rite; is without guests, unoffered, without the Vaishvadeva, or offered against the rule — it destroys his worlds up to the seventh.
जिसका अग्निहोत्र दर्श-पूर्णमास, चातुर्मास्य और आग्रयण कर्मों से रहित हो, अतिथि-रहित हो, बिना आहुति का हो, वैश्वदेव-रहित हो, अथवा विधि के विरुद्ध हो — वह उसके सातों लोकों को नष्ट कर देता है।
Verse 4
काली कराली च मनोजवा च सुलोहिता या च सुधूम्रवर्णा । स्फुलिङ्गिनी विश्वरुची च देवी लेलायमाना इति सप्त जिह्वाः ॥ ४॥
kālī karālī ca manojavā ca sulohitā yā ca sudhūmravarṇā | sphuliṅginī viśvarucī ca devī lelāyamānā iti sapta jihvāḥ || 4||
Meaning
Kali (black), Karali (terrible), Manojava (swift as thought), Sulohita (very red), Sudhumravarna (smoke-coloured), Sphulingini (sparkling), and the shining Vishvaruchi — these flickering ones are the seven tongues (of the sacrificial fire).
काली, कराली, मनोजवा, सुलोहिता, सुधूम्रवर्णा, स्फुलिंगिनी और देदीप्यमान विश्वरुची — ये लहराती हुई (अग्नि की) सात जिह्वाएँ हैं।
Verse 5
एतेषु यश्चरते भ्राजमानेषु यथाकालं चाहुतयो ह्याददायन् । तं नयन्त्येताः सूर्यस्य रश्मयो यत्र देवानां पतिरेकोऽधिवासः ॥ ५॥
eteṣu yaścarate bhrājamāneṣu yathākālaṃ cāhutayo hyādadāyan | taṃ nayantyetāḥ sūryasya raśmayo yatra devānāṃ patireko'dhivāsaḥ || 5||
Meaning
He who performs his works when these (tongues) are shining, offering the oblations at the proper times — these (oblations), as rays of the sun, carry him to where the one lord of the gods dwells.
जो इन प्रदीप्त (जिह्वाओं) के समय यथासमय आहुतियाँ देता हुआ कर्म करता है, उसे ये (आहुतियाँ) सूर्य की किरणें बनकर वहाँ ले जाती हैं जहाँ देवों का एकमात्र अधिपति निवास करता है।
Verse 6
एह्येहीति तमाहुतयः सुवर्चसः सूर्यस्य रश्मिभिर्यजमानं वहन्ति । प्रियां वाचमभिवदन्त्योऽर्चयन्त्य एष वः पुण्यः सुकृतो ब्रह्मलोकः ॥ ६॥
ehyehīti tamāhutayaḥ suvarcasaḥ sūryasya raśmibhiryajamānaṃ vahanti | priyāṃ vācamabhivadantyo'rcayantya eṣa vaḥ puṇyaḥ sukṛto brahmalokaḥ || 6||
Meaning
'Come, come!' — these radiant oblations carry the sacrificer by the rays of the sun, addressing him with pleasing words and honouring him: 'This is your holy world of Brahman, won by good deeds.'
'आओ, आओ!' — ये तेजस्वी आहुतियाँ सूर्य की किरणों द्वारा यजमान को ले जाती हैं, प्रिय वचन कहती और उसका सत्कार करती हुई — 'यह तुम्हारा पुण्यमय, सुकृत से अर्जित ब्रह्मलोक है।'
Verse 7
प्लवा ह्येते अदृढा यज्ञरूपा अष्टादशोक्तमवरं येषु कर्म । एतच्छ्रेयो येऽभिनन्दन्ति मूढा जरामृत्युं ते पुनरेवापि यन्ति ॥ ७॥
plavā hyete adṛḍhā yajñarūpā aṣṭādaśoktamavaraṃ yeṣu karma | etacchreyo ye'bhinandanti mūḍhā jarāmṛtyuṃ te punarevāpi yanti || 7||
Meaning
But frail indeed are these boats of sacrifice, on which rest the eighteen (forms of) inferior works. The deluded who delight in this as the highest good go again to old age and death.
परन्तु ये यज्ञ रूपी नौकाएँ निश्चय ही अदृढ़ (कमज़ोर) हैं, जिन पर अठारह रूपों वाला निकृष्ट कर्म टिका है। जो मूढ़ इसी को श्रेष्ठ मानकर आनन्दित होते हैं, वे फिर जरा और मृत्यु को प्राप्त होते हैं।
Verse 8
अविद्यायामन्तरे वर्तमानाः स्वयं धीराः पण्डितंमन्यमानाः । जङ्घन्यमानाः परियन्ति मूढा अन्धेनैव नीयमाना यथान्धाः ॥ ८॥
avidyāyāmantare vartamānāḥ svayaṃ dhīrāḥ paṇḍitaṃmanyamānāḥ | jaṅghanyamānāḥ pariyanti mūḍhā andhenaiva nīyamānā yathāndhāḥ || 8||
Meaning
Dwelling in the midst of ignorance, thinking themselves wise and learned, the deluded go round and round, afflicted, like blind men led by the blind.
अविद्या के बीच में रहते हुए, अपने को धीर और पण्डित मानने वाले मूढ़ लोग पीड़ित होते हुए चक्कर खाते हैं — जैसे अन्धों के द्वारा ले जाए जाते हुए अन्धे।
Verse 9
अविद्यायां बहुधा वर्तमाना वयं कृतार्था इत्यभिमन्यन्ति बालाः । यत्कर्मिणो न प्रवेदयन्ति रागात्तेनातुराः क्षीणलोकाश्च्यवन्ते ॥ ९॥
avidyāyāṃ bahudhā vartamānā vayaṃ kṛtārthā ityabhimanyanti bālāḥ | yatkarmiṇo na pravedayanti rāgāttenāturāḥ kṣīṇalokāścyavante || 9||
Meaning
Dwelling in ignorance in many ways, the childish fancy 'we have accomplished our aim.' Because the doers of works do not know (the truth) through attachment, they fall, their worlds exhausted, and become wretched.
अविद्या में अनेक प्रकार से रहते हुए बालबुद्धि लोग 'हम कृतार्थ हो गए' — ऐसा अभिमान करते हैं। राग के कारण कर्मी लोग (तत्त्व को) नहीं जानते, इसीलिए वे दुःखी होकर, अपने लोकों के क्षीण होने पर, च्युत हो जाते हैं।
Verse 10
इष्टापूर्तं मन्यमाना वरिष्ठं नान्यच्छ्रेयो वेदयन्ते प्रमूढाः । नाकस्य पृष्ठे ते सुकृतेऽनुभूत्वेमं लोकं हीनतरं वा विशन्ति ॥ १०॥
iṣṭāpūrtaṃ manyamānā variṣṭhaṃ nānyacchreyo vedayante pramūḍhāḥ | nākasya pṛṣṭhe te sukṛte'nubhūtvemaṃ lokaṃ hīnataraṃ vā viśanti || 10||
Meaning
Regarding sacrifice and good works as the best, the deluded know nothing better. Having enjoyed (the fruit) on the height of heaven won by good deeds, they enter again this world or a lower one.
इष्ट और पूर्त (यज्ञ एवं लोकोपकारी कर्म) को ही श्रेष्ठ मानते हुए मूढ़ लोग अन्य किसी श्रेय को नहीं जानते। स्वर्ग के शिखर पर सुकृत का फल भोगकर वे फिर इस लोक में, अथवा किसी हीनतर लोक में प्रवेश करते हैं।
Verse 11
तपःश्रद्धे ये ह्युपवसन्त्यरण्ये शान्ता विद्वांसो भैक्ष्यचर्यां चरन्तः । सूर्यद्वारेण ते विरजाः प्रयान्ति यत्रामृतः स पुरुषो ह्यव्ययात्मा ॥ ११॥
tapaḥśraddhe ye hyupavasantyaraṇye śāntā vidvāṃso bhaikṣyacaryāṃ carantaḥ | sūryadvāreṇa te virajāḥ prayānti yatrāmṛtaḥ sa puruṣo hyavyayātmā || 11||
Meaning
But those who practise tapas and faith in the forest, tranquil and wise, living on alms — they depart, free from passion, through the door of the sun, to where dwells the immortal, imperishable Purusha.
परन्तु जो तप और श्रद्धा को धारण करते हुए वन में रहते हैं, जो शान्त और विद्वान् हैं और भिक्षाचर्या से जीवन यापन करते हैं — वे रजरहित होकर सूर्यद्वार से वहाँ जाते हैं जहाँ वह अमर, अव्यय-स्वरूप पुरुष निवास करता है।
Verse 12
परीक्ष्य लोकान् कर्मचितान् ब्राह्मणो निर्वेदमायान्नास्त्यकृतः कृतेन । तद्विज्ञानार्थं स गुरुमेवाभिगच्छेत् समित्पाणिः श्रोत्रियं ब्रह्मनिष्ठम् ॥ १२॥
parīkṣya lokān karmacitān brāhmaṇo nirvedamāyānnāstyakṛtaḥ kṛtena | tadvijñānārthaṃ sa gurumevābhigacchet samitpāṇiḥ śrotriyaṃ brahmaniṣṭham || 12||
Meaning
Having examined the worlds won by works, let the Brahmana arrive at dispassion: the uncreated (eternal) is not (gained) by the created (by works). To know That, let him, fuel in hand, approach a teacher who is learned in the Vedas and established in Brahman.
कर्मों से अर्जित लोकों की परीक्षा करके ब्राह्मण वैराग्य को प्राप्त हो: अकृत (नित्य ब्रह्म) कृत (कर्म) से प्राप्त नहीं होता। उसे जानने के लिए वह समिधा हाथ में लेकर श्रोत्रिय एवं ब्रह्मनिष्ठ गुरु के पास ही जाए।
Verse 13
तस्मै स विद्वानुपसन्नाय सम्यक् प्रशान्तचित्ताय शमान्विताय । येनाक्षरं पुरुषं वेद सत्यं प्रोवाच तां तत्त्वतो ब्रह्मविद्याम् ॥ १३॥
tasmai sa vidvānupasannāya samyak praśāntacittāya śamānvitāya | yenākṣaraṃ puruṣaṃ veda satyaṃ provāca tāṃ tattvato brahmavidyām || 13||
Meaning
To him who has thus approached, whose mind is tranquil and who has attained peace, the wise teacher should rightly teach that knowledge of Brahman by which one knows the true, imperishable Purusha.
इस प्रकार आए हुए, प्रशान्तचित्त और शम से युक्त उस शिष्य को विद्वान् गुरु यथार्थ रूप से वह ब्रह्मविद्या सिखाएँ, जिसके द्वारा वह सत्य, अक्षर पुरुष को जान लेता है।